d Wält in unsere Händ
Impressionen
Zeedel
Ganz obe an dr Nordpolspitze
Sehsch d Bäre langsam e bitzeli schwitze,
Schaal und Kappe kasch vergässe,
im Badkleid dien sy Glacé ässe.
Mit Sunnehietli, Sunnebrülle
Dien d Pinguin sörfend Runde drülle
An baide Pool, sehnd ändlig y
sin Ys und Kälti bald verby.
Bi uns, do stimmts schon lang jo nümme
S ganz Joor könntsch im Joggeli schwümme.
Immer Summer – s wär dr Hit!
D Umwält macht das nümm lang mit.
D Füürwerlüüt sin uf dr Huet
d Gfoor isch gross vo Füür und Fluet.
Si lösche Füür und baue Dämm
rette Läbe, rette Stämm.
Z Australie ischs e Riiseschand
stoht dr halbi Busch in Brand,
Känguru, Schlange sin bedroht
s Inferno bringt sy gross in Not.
Dr Kontinänt duet scho halb brenne
d Koalas könne doch nid renne!
Si wärde grettet vo Füürwerlüüt
wo s Läbe riskiere – dasch nid nüt.
Allne Dier uf dr Wält gohts schyter
Und mir, mir mache aifach wyter!
Au Qualle und Fisch, die lyde sehr
am ganze Plastikmüll im Meer.
Mir machen ys bräit uf dären Ärde,
alles muess meh und schnäller wärde.
Ohni Rüggsicht uf Verluscht
Erfülle mir unsere aigne Gluscht.
Mir gän kai Sorg zu Dier, Natur
vo Achtsamkait, do sehsch kai Spuur.
Isch d Wält denn jetzt bigoscht am Änd?
Du waisch: Si liggt in unsere Händ!
Ganz obe an dr Nordpolspitze
Sehsch d Bäre langsam e bitzeli schwitze,
Schaal und Kappe kasch vergässe,
im Badkleid dien sy Glacé ässe.
Mit Sunnehietli, Sunnebrülle
Dien d Pinguin sörfend Runde drülle
An baide Pool, sehnd ändlig y
sin Ys und Kälti bald verby.
Bi uns, do stimmts schon lang jo nümme
S ganz Joor könntsch im Joggeli schwümme.
Immer Summer – s wär dr Hit!
D Umwält macht das nümm lang mit.
D Füürwerlüüt sin uf dr Huet
d Gfoor isch gross vo Füür und Fluet.
Si lösche Füür und baue Dämm
rette Läbe, rette Stämm.
Z Australie ischs e Riiseschand
stoht dr halbi Busch in Brand,
Känguru, Schlange sin bedroht
s Inferno bringt sy gross in Not.
Dr Kontinänt duet scho halb brenne
d Koalas könne doch nid renne!
Si wärde grettet vo Füürwerlüüt
wo s Läbe riskiere – dasch nid nüt.
Allne Dier uf dr Wält gohts schyter
Und mir, mir mache aifach wyter!
Au Qualle und Fisch, die lyde sehr
am ganze Plastikmüll im Meer.
Mir machen ys bräit uf dären Ärde,
alles muess meh und schnäller wärde.
Ohni Rüggsicht uf Verluscht
Erfülle mir unsere aigne Gluscht.
Mir gän kai Sorg zu Dier, Natur
vo Achtsamkait, do sehsch kai Spuur.
Isch d Wält denn jetzt bigoscht am Änd?
Du waisch: Si liggt in unsere Händ!
