Phoenix uss dr Äsche
Impressionen
Zeedel
Vor zwai Joor het, quasi iiber Nacht,
e Virus der Fasnacht en Ändi gmacht.
Und das no wirgglig gar nit nätt,
so kurz bevor sy aagfange hät.
Mit Lockdown, Abstand und andere Gniff
griegt me s im Summer halbwägs in Griff.
Doch halbwägs längt nit, das isch laider so
und im Herbscht isch das Virus halt wiider doo.
S Erstuune und d Iiberraschig sin grooss
und fir d Fasnacht dr zwaiti Doodestoos.
Drno wirds besser dangg em Impfe
au wenn e paar iiber die Impfige schimpfe.
Leent eych nit stäche, isch iire Root,
will dr Arm suscht emänd nim uffe goot.
Doch das Joor haisst s „Basilea felix“
d Fasnacht stygt uff wie bi de Grieche dr Pheenix.
As Wiideruffstiig no hyffig ka gschee,
kasch au bi mänggem andere gsee:
Duesch ain zem Byspiil nimme wääle
duet er denn nit nur am Frytig fääle.
E Joor blybt s still und den rugg-zugg
isch dää am Sunntig im Fäärnsee zrugg.
Das het de Basler grad no gfäält.
Hät men en ächt gschyyder doch wiider gwäält?
Au wiider zrugg, aber nit nur am Fäärnsee,
wurde schyynts dr Trump sich gäärn gsee.
Er dryybt sy Partey wie im Brootdaig d Heefi.
Doch dää gheert nit gwäält, dää ghert ins Keefi.
Dert griegti äär, das wäär iim zwoor schnurz,
emänd no Gsellschaft vom Altkanzler Kurz.
Bis denn griegt dr Kurz, und das zimmli vyyl,
Unterstitzig vo däm ryyche Trump-Fan Thiel.
Dä het, wie me waiss, jo Gäld wie Heu
und dr Kurz blybt esoo sich sälber treu.
Sich sälber treu blyybt au d FDP.
Das kasch an dr neye Fierig gsee.
S grien Mänteli isch ganz verwäsche
und d Atomgraft stygt bi deene us dr Äsche.
Sy syg schyynts suuber und doodermit grien,
was au d Franzoose saage dien
und das in der EU duurestiere.
Bald haisst s statt „Ändlager“ denn „kombostiere“.
Miir leen ys vo all däm nit iritiere
und dien das Joor jetz jubiliere.
Denn d Schnooggekerzli, stell dr vor,
git s scho sit fimfesibzig Joor.
Drum Fasnacht das Joor as grooses Fescht
fir dr Stamm und syyni vyylen Escht.
Die Jungi Garde, as Nochwuchs Wichtigi,
die Unverwieschtligen as alti richtigi
Schnoogge, grad wie au de Remyyse.
Au alti Garde aber nit alt Yyse.
Denn, uff das wott y no verwyyse,
„toujour jeune“ isch unseri Devyyse.
Vor zwai Joor het, quasi iiber Nacht,
e Virus der Fasnacht en Ändi gmacht.
Und das no wirgglig gar nit nätt,
so kurz bevor sy aagfange hät.
Mit Lockdown, Abstand und andere Gniff
griegt me s im Summer halbwägs in Griff.
Doch halbwägs längt nit, das isch laider so
und im Herbscht isch das Virus halt wiider doo.
S Erstuune und d Iiberraschig sin grooss
und fir d Fasnacht dr zwaiti Doodestoos.
Drno wirds besser dangg em Impfe
au wenn e paar iiber die Impfige schimpfe.
Leent eych nit stäche, isch iire Root,
will dr Arm suscht emänd nim uffe goot.
Doch das Joor haisst s „Basilea felix“
d Fasnacht stygt uff wie bi de Grieche dr Pheenix.
As Wiideruffstiig no hyffig ka gschee,
kasch au bi mänggem andere gsee:
Duesch ain zem Byspiil nimme wääle
duet er denn nit nur am Frytig fääle.
E Joor blybt s still und den rugg-zugg
isch dää am Sunntig im Fäärnsee zrugg.
Das het de Basler grad no gfäält.
Hät men en ächt gschyyder doch wiider gwäält?
Au wiider zrugg, aber nit nur am Fäärnsee,
wurde schyynts dr Trump sich gäärn gsee.
Er dryybt sy Partey wie im Brootdaig d Heefi.
Doch dää gheert nit gwäält, dää ghert ins Keefi.
Dert griegti äär, das wäär iim zwoor schnurz,
emänd no Gsellschaft vom Altkanzler Kurz.
Bis denn griegt dr Kurz, und das zimmli vyyl,
Unterstitzig vo däm ryyche Trump-Fan Thiel.
Dä het, wie me waiss, jo Gäld wie Heu
und dr Kurz blybt esoo sich sälber treu.
Sich sälber treu blyybt au d FDP.
Das kasch an dr neye Fierig gsee.
S grien Mänteli isch ganz verwäsche
und d Atomgraft stygt bi deene us dr Äsche.
Sy syg schyynts suuber und doodermit grien,
was au d Franzoose saage dien
und das in der EU duurestiere.
Bald haisst s statt „Ändlager“ denn „kombostiere“.
Miir leen ys vo all däm nit iritiere
und dien das Joor jetz jubiliere.
Denn d Schnooggekerzli, stell dr vor,
git s scho sit fimfesibzig Joor.
Drum Fasnacht das Joor as grooses Fescht
fir dr Stamm und syyni vyylen Escht.
Die Jungi Garde, as Nochwuchs Wichtigi,
die Unverwieschtligen as alti richtigi
Schnoogge, grad wie au de Remyyse.
Au alti Garde aber nit alt Yyse.
Denn, uff das wott y no verwyyse,
„toujour jeune“ isch unseri Devyyse.
