Meh Rägeboogefisch bruuchts uf däre Wält!
Impressionen
Zeedel
Dr Rägeboogefisch und syni Schubbe,
sin sehr beliebt bi de Kindsgi-Grubbe.
Gärn hän ihn nid nur die Junge, au die Alte
si dien in in gueter Erinnerig bhalte.
Zaigt är doch igängig und toll,
jä sogar pädagogisch waärtvoll,
wie s Schängge und s Daile – s isch nid glacht
unseri Wält vyl schöner macht.
Syt 30 Joor schwümmt är im Meer
zwüsche Qualle, Seestärn, krütz und quer
zerscht unbeliebt bi den andere Fisch
will är so enorm ybildet isch.
Mit syne Schubbe, farbig, glitzrig
findet är die andere mickrig.
Doch Schönhait ellai git nid vyl här
ohni Fründschaft isch halt s Labe schwär.
Das merkt dr Rägeboogefisch denn gly,
wott au bi den andere Fischli sy:
Drum lehrt är ändlig, es bruucht e bitz Muet
daile und Schängge, das duet guet!
Jetzt glitzere vyl Fisch in allne Farbe
so wie mir in dr Junge Garde.
Au mir sin stolz und d Freud isch grooss
könne mir hüt pfyffe und drummle uf dr Strooss!
Dangg im hän mir als Binggis frieh scho gleert
dass ygebildet sich nit gheert!
Mir freuen uns zum Zämmesy
jede isch mit syner Farb-drby.
Hüt kenne mir dr Rägebooge au us anderer Richtig
als Symbol für e Friide isch är sehr wichtig.
Und die vyle verschiidene Farbe zaige
me dörfso sy, wie me isch, jede bitz aige.
Jä mir lehre mit im, dass ebbe das «gendere»
unser Läbe und Mittenander ka verändere.
Schängge und Daile – das macht Sinn
und isch am Schluss für alli e Gwinn.
Drum stöhn mir y als Jungi Garde
völlig divärs, in vyle Sparte
nid schwarz oder wyss, sondern farbig verschiide
und fyre drey Daag zämme dr Fasnachtsfriide.
Dr Rägeboogefisch und syni Schubbe,
sin sehr beliebt bi de Kindsgi-Grubbe.
Gärn hän ihn nid nur die Junge, au die Alte
si dien in in gueter Erinnerig bhalte.
Zaigt är doch igängig und toll,
jä sogar pädagogisch waärtvoll,
wie s Schängge und s Daile – s isch nid glacht
unseri Wält vyl schöner macht.
Syt 30 Joor schwümmt är im Meer
zwüsche Qualle, Seestärn, krütz und quer
zerscht unbeliebt bi den andere Fisch
will är so enorm ybildet isch.
Mit syne Schubbe, farbig, glitzrig
findet är die andere mickrig.
Doch Schönhait ellai git nid vyl här
ohni Fründschaft isch halt s Labe schwär.
Das merkt dr Rägeboogefisch denn gly,
wott au bi den andere Fischli sy:
Drum lehrt är ändlig, es bruucht e bitz Muet
daile und Schängge, das duet guet!
Jetzt glitzere vyl Fisch in allne Farbe
so wie mir in dr Junge Garde.
Au mir sin stolz und d Freud isch grooss
könne mir hüt pfyffe und drummle uf dr Strooss!
Dangg im hän mir als Binggis frieh scho gleert
dass ygebildet sich nit gheert!
Mir freuen uns zum Zämmesy
jede isch mit syner Farb-drby.
Hüt kenne mir dr Rägebooge au us anderer Richtig
als Symbol für e Friide isch är sehr wichtig.
Und die vyle verschiidene Farbe zaige
me dörfso sy, wie me isch, jede bitz aige.
Jä mir lehre mit im, dass ebbe das «gendere»
unser Läbe und Mittenander ka verändere.
Schängge und Daile – das macht Sinn
und isch am Schluss für alli e Gwinn.
Drum stöhn mir y als Jungi Garde
völlig divärs, in vyle Sparte
nid schwarz oder wyss, sondern farbig verschiide
und fyre drey Daag zämme dr Fasnachtsfriide.
